HAMUBAON NI ROHA MANGHORHON LAS NI ROHA
DOHOT HAMULIAON DI DEBATA (1 TIMOTEUS
1:12-17)
1. PODA NI
APOSTEL PAULUS TU SI TIMOTEUS ASA TONGTONG MARSIHOHOT HAPORSEAONNA DI BAGASAN
TUHAN I..
Surat 1 Timoteus on somal do digoari surat
parmahanion manang pastoral. Marhite surat on dipodai Apostel paulus si
Timoteus, nang angka na porsea i. Asa lam marsihohot dibagasan Kristus. Apostel
Paulus manongos surat on tu si Timoteus sian Mekadonia hira-hira taon 63 dung
Kristus, ala diida ibana adong mara sian sian parpoda haliluon na boi masuk tu
huria i. Ragat do masyarakta na di huria Epesus manomba dohot mangkaporseai
dewa Artenis( dewa kesuburan) ima sada langgatan kuil Diana di kotai, masai
torop halak ro tu kuil i mangido pangurupion. Di son do apostel Paulus
mambohali si Timoteus asa laho mangaramoti haporseaon ni huria i asa jaga unang
gabe tarombang ambing haporseaon ni huriai.
Tangkas do taida songon dia panogu-noguon ni Apostel Paulus tu si Timoteus. Asa unang
merasa minder iala haposoonna. Na
rumingkot siulahonon ni si Timoteus ima patuduhon angka ulaon na denggan, asa mananda nasida di
Kristus na binaritahononna.
Dipodai Apostel Paulus do si Timoteus asa
maporus ibana sian nasa hajahaton. Jala asa diulahon ma angka hadaulaton, sabam ni roha dohot hatomanon.
Jala na mangihut
muse, pangkirimon ni apostel Paulus ima asa tangkas tarida hamubaon ni roha di angka nasida na naung manjalo haluaon na sian Debata.
2. MAULIATE NI ROHA APOSTEL PAULUS ALA KRISTUS
MARGOGOIHON IBANA
( Ayat 12-14)
Mandok mauliate do si Paulus ala ni Kristus Jesus na margogoihon
ibana jala gabe haposan di nalaho pasahathonbarita naulii na gabe parhalado
ni Debata, jala adong do di pamilangion ni roha ni apostel Paulus panandaion ni
dirina, jala diokuhon ibana do halak panginsahi jala pangalele, jala si ulahon
gogo di tingki naso porsea do pe ibana di Jesus. Luar biasa do pernyataan ni
apostel Paulus dison dung ditangkup Debata Ibana gabe apostel. Sian pengalamanna i do di pasahat ibana tu
si Timoteus asa unang di bagasan habiaron si Timoteus di nalaho marbarita nauli
di tonga-tonga ni huria i. Tangkas panindangion ni aposteli taringot tu Tuhanta
Jesus jala dipadiri ibana gabe naposoNa.
3. HARORO NI
JESUS TU PORTIBI ON LAHO PALUAHON JOLMA ASA MARHAMUBAON ROHANA GABE PASANGAPHON
TUHANTA (Ayat 15-17).
Ia haroro ni
Jesus tu portibion ima laho paluahon jolma Ssian angka hadosaonna. Jala songon
dia pe hadosaon ni hita jolma molo ro hita tu adopan ni Debata pasti do disesa angka
dosanta i. Jala tujuanna ni Debata paluahon jolma i sian angka dosana asa unang
diula be angka pangalaho na ramun. Jala maralo tu lomo ni roha ni Debata. Alai
Debata ma dipuji jala dipasangap. Tangkas ma tarida roha na marhamubaon sian ngoluna, ala naung
dihokkop Kristus i hita.
Boha di hataridaan ni hamubaon ni
rohai di ngolu siapari? Apostel paulus ma sada parbue ni hataridaan ni hamubaon
ni roha, sian parjahat hian, sian namangulahon dosa, ujungna gabe sada apostel
ni Debata na mamboan las ni roha ni Debata. Ima sada dalan na pinatupa ni
apostel Paulus na gabe mamelehon dirina tu adopan ni Debata. Antong marhite
turpuk jamita on naeng ma rajumanta di rohanta “ Molo olo do hita marhamubaon
ni roha tarida ma hita nagabe sibahen las ni roha ni Debata, jala tarida ma
hamulion ni Debata di ngolunta marhite pambahenan nadenggan di nalaho mamelehon
diri tu adopan ni Debata.