BARITA TARINGOT SILANG I, IMA HAGOGOON NI DEBATA NA PALUAHON
I.
Patujolo
Dibagasan
turpuk on dipatuduhon Apostel Paulus tu huria Korint ima taringot na dipapatar
Debata hadirionNa tu portibi on marhite dalan sitaonon (silang) dohot marhite
dalan haleaon. Ro Ibana tu tonga-tonga ni portibi on dibagasan manaon na porsuk
holan asa malua jolma i sian dosa.
Dipasahat
Apostel Paulus do surat on ala adong parbolat-bolatan di huria Korint. Masa
parbolatbolatan i ima ala marmuara sian pengkultusan
pribadi. Adong sian tonga-tonga ni
huria i na mamuji-muji deba parbarita nauli na ro tu tonga-tonga nasida jala
mandok nasida sisean ni si Apolos, alai
na asing sisean ni si Kefas, alai adong do muse manggoari nasida sisean Paulus.
II.
Hatorangan
1.
Dipodai Apostel Paulus Asa Mangolu Huria I Dibagasan Hasadaon, Dao Sian Parbolat-bolaton
Masa
parbolatbolatan di huria Korint ima ala pengkultusan ni ruas tu angka apostel.
Ala hurang malo si Paulus marjamita, diparoa-roa ma ibana, asa ganggu na torop
i di dihaapostelonna; jala balikna
dipatimbo jala dikultushon nasida ma
apostel na asing. Pengkultusan i patubuhon parbolatan di huria Korint. Adong na
manggoari horongnasida dohot goar horong Apolos, Kefas, Paulus dohot Kristus.
Dipuji-puji horong nasada do apostel na hinalomohon rohana, jala diparoa-roa do
na so lomo rohana. Alani i ma dipasahat Apostel Paulus surat on laho paingothon
huria Korint taringot tu lapatan ni parasingasingan ni parngoluon ni jolma.
Parasingasingan ni ngolu dohot silehonlehon i ndang jadi pangkeon patimbohon
diri jala paoruhon dongan. Justru parasingasingan i, naeng pangkeon laho
pauliulihon, pasadahon dohot manumpahi parsaoran ni jolma.
Di
1 Korint 12 dipatorang Apostel Paulus do na marasingasing jala maragam
dipasahat Tuhan i silehonlehon ditonga-tonga ni huria . Ndang dos, marsibalgai
jala marasingasing. Boasa marasingasing ? Ima asa manumpak tu na asing.
Hasadaan
ni halak Kristen ima ndada hasadaon sama tinggi sama rendah, manang sama rata.
Hasadaon ni halak Kristen ima hasadaon dalam keberagaman.
Torop
do jolma na sala mangantusi di parasingan ni selehonlehon i. Adong na mangarajumi tumimbo jala sumurung
Ibana sian donganna, ala sumurung dijalo silehonlehon sian Tuhan i. masa
hagaoron di parsaoran ala adong na mangasahon hasurunganna tu donganna. Secara
organisasi taparhatutu do asong tingkatan-tingkatan ni ulaon. Alai ndang jadi
pangkeon tingkatan ni ulaon i tu ginjang ni roha. Pangalaho na mangarajumi diri
sumurung sian na asing i do na mambahen masitombisan jolma di parsaoran jala
mangkorhon hagaoron.
Ingkon
jumpang di parsaoranta haradeon na masihormatan di hadirion dohot di talenta na
marasing-asing i. unang tubu di rohanta panghilalaan, boi hita mangolu so pola
mangharingkothon dongan. Ndang singkop ulaonta molo so ditumpahi manang diurupi
na asing. Ganup hita naeng mangarajumi dirina ruas ni pamatang ni Kristus. Molo
jumpang na songon i, ndang adong be pangalaho na marguru dokhu.
2.
Ngolu Na Marojahan Tu Pengorbanan ni Kristus di Bagasan Silang I.
Tung
mansai tangkas do dipodahon Apostel Paulus tu huria Korint taringot pengorbanan
ni Kristus laho paluahon jolma i sian dosa. Alani i diarahon apostel i do huria
i, asa porsea nasida di panghophopon ni Kristus i. Hataridaan haporseaan tu
Kristus i, tarida ma di na rade hita maniru pengorbanan ni Kristus i. Olo hita
maneahon ngolunta maradophon donganta. Tarjou na porsea i mamelehon ngoluna
mambahen las roha ni donganna. Ganup tabereng silang ni Kristus i, disungguli
do rohanta manghangoluhon panghophopon dohot holong ni roha ni Debata. Tarida pengorbanan ni Debata ditonga-tonga ni
ngolunta. Laos udut tusi, naeng tarida ngolu na olo berkorban maradophon
donganta, tanda naung tahangoluhon pengorbanan ni Debata.