PSALMEN 51, 1-12
TANGIANG MANGIDO HASESAAN NI
DOSA
Psalmen on
marharoroan sian raja Daud. Marhite Psalmen on, martangiang raja Daud mangido
hasesaan ni dosana sian Debata. Dihilala raja Daud do nunga ramun ngoluna
hinorhon dosa na niulana, ima na mambuat si Betsyeba gabe pardijabuna.
Di jolo ni
Debata, pangalaho ni raja Daud on tung mansai ramun, ala jumolo do “dibunu”
raja Daud amanta ni si Betsyeba na margoar si Uria, marhite tangan ni musuna. Saluhutna peristiwa na masa i boi do tajaha
di 2 Samuel 12:1-23.
Hatorangan ni Turpuk dohot Aplikasina
1. Mangido hasesaan ni dosa
Marhite mass
media, surat kabar manang televisi jotjot do tabegei barita pembunuhan na
nilatar belakangi cinta terlarang. Asa unang tarboto pangalaho nasida naung
melanggar norma manang aturan naung adong di masyarakat nang agama; terjadi ma pembunuhan i.
Hurang lobi,
songon i ma na masa, na niulahon raja Daud. Asa unang tarboto ulaon
pangalangkupion ni raja Daud, dibunu ibana ma si Uria.
Jala dung
monding si Uria, dioli ibana ma si Betsyeba.
Anggo di jolo ni
jolma, songon na denggan do pangalaho ni raja Daud on.
Ndang adong na
sala na niulana.
Alai anggo Debata,
ndang boi digabusi.
Tangkas do
diboto Debata angka dosa na niulana.
Alani ima
marhite panurirang Natan, dipasingot Debata raja Daud.
Dipataridahon
Debata dope holongNa tu raja Daud. Ndang manigor madabu uhum ni Debata tu ibana.
Ujungna, manolsoli ma raja Daud.
Marhite angka
pandohanna dibagasan turpuk on na mandok: asi
ma roham di ahu, sai sesa ma angka dosangku, ias situtu ma buri au, sai urasi
ma ahu; tarida songon dia raja Daud manolsoli angka dosana.
Ro ibana tu jolo
ni Debata, dibagasan toruk ni roha mangido hasesaan ni dosa.
Ai holan Debata
do na tuk manesa dosanta.
Anggo jolma,
tung ise pe ibana ndang adong na boi manesa dosa. Alani i ma, marhite psalmen
on, dijouhon hita asa tongtong hita ro tu jolo ni Debata mangido hasesaan ni
dosa.
2. Dung dipangido hasesaan ni dosa, gabe taruli
haimbaruon ma raja Daud di ngoluna.
Tung ise pe
halakna, ndang adong na boi malua sian dosa. Sude do hita hea mangulahon
dosa. Bahkan, di bagasan ayat 7
dihatindangkon raja Daud do taringot sada kenyataan ima: na dibagasan hajahaton
do ibana tubu. Lapatanna, sian mulana pe nunga panean ibana didosa warisan, ima marhite si Adam na naung
jumolo madabu tu bagasan dosa i.
Domu tusima,
umbahen jotjot masa, kecenderungan
roha ni jolma i ima mangulahon dosa.
Tanpa diajari
pe, nunga malo jolma i mangulahon dosa. Sipata olo do longang rohanta, mamereng
sada dakdanak, so binoto sian dia, nunga diboto margabus; nunga diboto mangalo,
nunga diboto manangko. Saluhutna i, pataridahon kenyataan songon na
nihatindangkon raja Daud on, na nidokna: uju dibagasan bortian pe jolma i, nunga ditanda
jolma i dosa, ima dosa tean-teanan (warisan).
Marhite
kenyataan on ma, naeng hatindangkononta, ndang adong jolma i na malua sian
dosa. Hombar songon na dihatahon Paulus di Rom 3:23 “Tung saluhut do nasida mardosa, jala ndang dapot pujian ni Debata
nasida”.
On patuduhon,
ndang adong jolma i na sempurna. Sude do jolma adong hahurangan manang tihas
na. Sude do jolma mangulahon dosa. Alai
mauliate ma tadok tu Debata, tung nunga madabu tu bagasan dosa jolma i,
alai tongtong do dihaholongi Debata nasida.
Molo ro jolma i
manopoti saluhut dosana, na rade do Debata manjangkon ibana muse. Hombar songon
na dihatahon di 1 Joh 1:9 : Molo tatopoti
angka dosanta, haposan do Ibana jala bonar, manesa dosanta jala paiashon hita
sian nasa hageduhon.
Jala panopotion
si songon i do na taida dipatuduhon raja Daud di bagasan turpuk on. Na ro ibana
dibagasan toruk ni roha manopoti saluhut angka dosana. Jala udut ni i, tarida
ma songon dia dipataridahon Debata holongna tu si Daud dohot angka pinomparna.
Dipatupa Debata haimbaruon di ngolu ni raja Daud. Tuhan membuka lembaran yang
baru dalam hidup raja Daud.
On ma patuduhon
holong ni Debata tu jolma na tinompana i. Tung pe nunga madabu tu bagasan dosa,
alai tongtong do rade Debata manjangkon nasida, molo olo nasida manopoti dosana
jala manundalhon dalanna na jat i.