1 MUSA 9:8-17
TUHAN SETIA MENGINGAT DAN MENGERJAKAN
JANJINYA
Na manjoloani turpuk
on ima barita taringot haroro ni aek na sumar na mangaripashon angka na mangolu
na adong di tano on. 40 ari 40 borngin ma ro udan na dobar mangalantap tano on.
Sude ma na adong di tano on lonong dibaen aek na sumar hinorhon ni i. Aek na sumar i diparo Debata ima alani angka
dosa dohot hajahaton ni jolma di tano on. Ai holan dosa dohot hajahaton doi
dipingkiri jala diula jolma i. Pola do didok: Manolsoli Debata, ala tinompana i
jolma i (1 Musa 6:6). Alani i, boi ma
dohononta , sasintongna, dalan laho manguhum jolma i do parro ni aek na sumar. Diuhum
Debata ma jolma i hinorhon dosana. Alai ndang holan jolma i na mangae,
dohot do angka suan-suanan nang angka pahan-pahanan. Saluhut na marhosa menaon
na porsuk hinorhon ni dosa i.
Alai na menarik ima,
tung pe toropan sian angka jolma uju i holan mangulahon dosa, alai adong do
sada keluarga na tongtong manghaholongi Debata. Keluarga on ima keluarga si
Noak. Tung pe angka jolma di humaliangna holan mengulahon dosa, alai anggo
ibana tongtong do mabiar mida Debata. Ndang mura ibana tergoda manang
terpengaruh. Ndang ala dosa diula angka donganna, gabe dosa nang na niulana. Ndang songon pandohan na jotjot tabegei masa
di ngoluna: “eme na masak digagat ursa, i
na masa i ma na niula”. Alai dipataridahon ibana do pangoloionna tu Debata.
Jala tongtong do dimemehon ibana, nang tu angka pangisi ni bagas na asa
tongtong dibagasan roha na unduk mangoloi Debata. Ido dalanna umbaen malua
ibana saripe sian aek na sumar i. Laos marhite nasida dohot pinomparna ma muse,
naeng patupaon ni Debata haimbaruon di tano on.
Penjelasan
Nas dan Aplikasi
1.
Marpadan Debata tu si Noak na so pamasaonNa be aek na sumar laho mangaripashon
portibi on (Ay.8-11)
Dung marsik aek na
sumar i ditano on, jala malua si Noak sian parmaraan i. Mandok mauliate situtu
ma roha ni si Noak. Domu tusi, na parjolo sahali diulahon ibana ima patupa sada
langgatan pamelean mamuji Debata. Dipelehon ibana ma pelean hamauliatean ni
rohana maradophon Debata (1 Musa 8:20-21). Marhite i, taida songon dia
panindangion ni Si Noak taringot haluaon na masa ditonga-tonga ni ngoluna.
Ndang alani hagogoonna umbaen na malua ibana. Ndang alani haburjuonna. Alai
holan alani pangaramotion ni Debata do. Debata do na manjaga jala mandongani nasida umbaen boi malua ibana
sian parmaraan i. Alani tama ibana mandok mauliate tu Jahowa.
Laos udut tusi ma
muse, manghatai Debata tu Ibana. Dipabotohon Debata ma sangkapna tu si Noak. Na so paroonna be aek na
sumar songon na masa i laho mangaripashon tano on. Marhite na masa i, naeng
dohononta ma, ndang dia dope hape banjir tsunami na masa di Aceh di ujung ni
taon 2004 na mangaripashon 300 ribu halak i, martimbanghon aek na sumar na masa
di tingki ni si Noak on.
Alai na menarik
dibagasan turpuk on, ima na secara terbuka dipabotohon Debata sangkap na tu si
Noak. Ndang ditabunihon ibana sangkapna di tano on tu si Noak. Keterbukaan ni
Debata tu si Noak on naeng idoanta songon kebenaran (hasintongan) na tarsurat
di Mazmur 25:14 Tuhan bergaul karib
dengan orang yang takut akan Dia, dan perjanjianNya diberitahukanNya
kepada mereka.
Tarida do dison
songon dia dipataridahon Debata holongNa tu si Noak. Pola dipabotohon angka
sangkapNa tu ari sogot tu si Noak.
2.
Dipatupa Debata ma tanda padanNa ima halibutongan ni Debata ima halibutongan (Ay.12-17)
Laho patoguhon
padanna tu si Noak, dipatupa Debata ma sada tanda di langit ima sada
halibutongan (pelangi). Ai didok Debata
do tu si Noak: Jadi ingotonku ma padan na
hubaen i tu hamu dohot tu nasa na
marhosa na mangolu, ro di sude na mardaging, paboa na so pamasaonku be
aek na sumar i mangaripashon nasa na mardaging”. (ayat 15). Marhite pandohanNa i, naeng pataridahonon ni
Debata rohaNa na marsitutu laho mangulahon padanNa i. Tung aha pe na masa,
ndang patupaon ni Debata be aek na sumar songon na masa uju i.
Pandohan ni Debata on,
sasintongna patuduhon holongNa do maradophon jolma na tinompana. Mansai arga do
jolma i di jolo ni Debata. Hombar songon
na tarsurat di Jesaya 43:4 “Arga do ho
huida, marmulia jala Ahu manghaholongi ho...”
Alani holongNa
maradophon jolma i, pola do Ibana marpadan jala patupahon sada tanda na so
rimpashononna be pangisi ni tano on marhite aek na sumar. Tung pe dipudi ni
ari, gok dosa portibi on, alai anggo padan ni Debata hot do rodi saleleng ni
lelengna.
Ai didok do: “Songon
duhut-duhut do nasa daging, songon bunga-bunga ni duhut-duhut i do saluhut
hasangaponna. Nunga malos duhut-duhut i jala marurus bunga-bunga i, alai na
mian do rodi saleleng ni lelengna ia hata ni Tuhan i. (1 Petrus 1:24-25).
Alani i marpos ni
roha ma hita tu Debata jala tahangoluhon ma hataNa naung sahat tu ganup hita.
Anggo jolma jotjot do siose padan, alai anggo Debata ndang. Tongtong do ibana
satia, hot ro di saleleng ni lelengna.