FILIPI 3:4b-14
MENGALAMI KEHIDUPAN YANG BERUBAH
Paulus
ima sahalak na targoar apostel, tung pe ndang termasuk ibana sian horong ni sisean ni Jesus na sampulu dua
i. Ditodo jala dipillit Tuhanta ibana gabe apostelna ima marhite tanda
halongangan. Sian pardalanan tu Damaskus naeng mangambati perkembangan
hakristenon, dijomput Tuhanta ibana gabe parbarita nauli. Dipardalanan i diida
ibana sada silam, jala tarbegei ma soara na mandok tu ibana: “Saulus, boasa
leleanmu Ahu?” Hatiha i, si saulus dope goar ni ibana. Dungi, dialusi ibana ma
soara i: “Ise do Ho Tuhan !” Jala tarbegei ma soara i muse mandok: “Jesus do
Ahu, na nileleanmi!”
Mambegei
i, tungkap ma si Saulus jala manghahitir ibana. Jala dung persitiwa i, gabe so
boi ma si Saulus marnida. Tolu ari tolu
borngin ma si Saulus ndang olo mangan ndang olo minum. Dungi ro ma sahalak na
margoar Ananias, ditangianghon ma si Saulus jala diampehon tanganna tu ibana.
Dungi boi ma marnida di Saulus.
Dungi,
bertobat ma si Saulus. Tanda pertobatanna diganti ma goarna gabe si Paulus.
Marbarita
na uli ma ibana tu angka luat, mambaritahon taringot goar ni Jesus.
Laos
dibagasan turpukta on taida taringot songon dia kesaksian apostel Paulus
taringot masa laluna, jala songon dia ulaonna sinuaeng dibagaasan haporseaonna.
Hatorangan ni turpuk
1. Dipajojor apostel Paulus taringot
masa lalu na (ayat 4b-8)
Tangkas
dihatahon apostel Paulus anggo sian sudut pardagingon, godang do na boi
pangasahononna songon sahalak halak Jahudi. Jala jujur do apostel i mandok,
anggo na jolo paruntungan do i dietong
rohana. (ayat 7). Angka na dipangasahon ibana songon hasurunganna sian angka na
torop ima:
-
Tarsunat
di ari paualuhon.
-
Sian
bangso Israel marga Benjamin,
lapatanna : tangkas do pomparan ni si Abraham
-
Tubu ni
halak Heber, Bapak dohot omakna halak Heber.
-
Halak
Farisi na mansai tunduk tu angka patik ni
si Musa. Jala sisean ni sahalak malim ni Jahudi na tarbarita do ibana ima na
margoar: Gamaliel
On
ma angka hasurungan ni si Paulus, dibandinghon tu angka halak Jahudi na asing.
Lapatanna,
ndang halak Jahudi songon sitoropan si Paulus.
Jala
na jolo bangga do ibana alani i. alai nueng didok ibana, dung ditanda ibana
Kristus i, ndang marlapatan be saluhutna i di ibana. Bahkan didok ibana: orbuhorbuk
do i huetong ( menganggapnya sampah).
Dison
taida songon dia dibandinghon apostel Paulus, ngolu dibagasan hasangapon
portibi dohot ngolu dibagasan hasangapon ni Tuhanta. Molo ndang dibagasan
Tuhanta hita, marisuang do sude angka hasangapon manang hasurungon na tahomol
di portibi on.
Alani
i do na rumingkot ima mangolu dibagasan roha na pasangaphon Tuhanta, ndang na
pasangaphon dirinta.
2. Dihatindangkon apostel Paulus
ngolu na mangeahi angka na di jolo, ima mangolu dibagasan roha na mangoloi
panjouon ni Kristus (ayat 9-14)
Dirajumi
apostel Paulus do adong perubahan ditonga-tonga ni ngolu na dung dipillit
Tuhanta ibana gabe naposona. Anggo na jolo, berusaha do ibana mangambati
perkembangan ni hakristenon. Alai anggo nuaeng, parsidohot do ibana songon dia
asa berkembang hakristenon di portibi on. Tangkas tarida adong perbedaan na
mendasar sian masa lalu, tu partingkian sia nuaeng dohot ari sogot. Ada
perubahan pola pikir dan orientasi kehidupan, setelah mengenal Kristus. Molo
nunga tajangkon Kristus dibagasan roha dohot ngolunta, naeng ma adong
parasingan ni orientasi kehidupanta sian na so mananda Kristus. Anggo na so
mananda Kristus, portibi on do na manggohi jala gabe pamusatan rohana. Alai
molo nunga mangolu hita dibagasan Kristus,
tapasangap ma Tuhanta ditonga-tonga ni ngolunta. Asa di ari sogot
parsidohot hita di hasangaponna i.