MENYANGKAL DIRI DAN MEMIKUL SALIB
Ditonga-tonga ni portibi on, ragam do penyebab umbahen masa siparunghilhonon on (penderitaan). Adong do hinorhon angka parporangan, songon na masa nuaeng di Timur Tengah. Adong do hinorhon bencana alam songon na taida di beberapa tempat di Indonesia, ima na masa longsor dohot banjir mangarauphon arta dohot angka na hinaholongan rohanasida. Adong do muse na marungkil hinorhon na masa parsahiton di pamatangna.
Jala, dibagasan turpukta on pe taida do dipapatar do tu hita taringot penderitaan. Alai penderitaan ima hinorhon na mangihuthon Tuhan Jesus do. Ndang alani parporangan, bencana alam manang alani penyakit. Domu tusi ma, marhite turpuk on naeng marsiajar hita, boasa didok ingkon menderita angka siihuthon Jesus? Jala penderitaan songon dia do penderitaan hinorhon na mangihuthon Tuhan i?
Hatorangan ni Turpuk dohot Aplikasina
1. Menderita hinorhon na mangoloi Debata (Ay.31-33)
Tangkas taboto, haroro ni Jesus tu portibi on, ima laho mangoloi jala mangulahon ulaon ni Amana, na marssuru Ibana. Domu tusima umbahen didok Jesus di ayat 31: “Ingkon godang do sitaonon ni anak ni jolma i, ingkon bolongkonon ni angka sintua dohot malim dohot sibotosurat do ibana, laos pusaonna do...” Marhite pandohan on, dipabotohon Jesus tu angka siseanna dalan sidalananan na. Ima dalan via dolo rosa. Jalan yang penuh dengan penderitaan. Gok reherehe jala sitaonon dalan sidalanan Mesias i.
Alai ro ma si Petrus, didok ma tu Jesus boasa pola dihatahon ibana sisongon i tu angka sisean i. Songon na disolsoli si Petrus ma Jesus, boasa pola hatahononna penderitaan i tu nasida. Marhite i, naeng idaonta songon dia pingkiran ni si Petrus na so manghalomohon songgop penderitaan di Jesus. Na manggohi pingkiran ni si Petrus ima songon dia mangolu dibagasan ngolu na marhasonangan. Songon dia pe carana, na penting tongtong dibagasan roha na sonang, dao sian angka hamaolon.
Jala, pingkiran si songon i ma nuaeng na godang manggohi pingkiran torop jolma. Meraih keberhasilan tanpa kesulitan. Meraih keberhasilan dengan instant, tanpa ada pergumulan. Alani i, gabe dihalalhon ma segala cara laho meraih keberhasilan i. Molo so i, gabe mura-mura ma jolma i idaon mandele molo madabu tu angka persoalan. Mura ma ibana bunuh diri, songon na jotjot nuaeng tabegei. Adong jolma na maenmbak dirina dohot pistol. Manang adong na mandabuhon dirina sian gedung bertingkat 12.
Alani pingkiran na holan mamingkiri hasonangan portibi on ma, gabe disonggak Jesus si Petrus. Pola didok Jesus tu ibana: “laho ma ho ne bolis, sian lambungkon. Ai ndang diparrohahon ho na di Debata, angka na di jolma do.
Tontu na nidok ni Jesus sibolis dison, ndang si Petrus. Alai, boasa ma olo si Petrus dipangke si bolis manghatahon hata na pasangaphon si bolis.
Domu tusima, naeng renunghononta, anggiat saluhut hata nang pambahenanta holan pasangap Debata.
2. Na mangihuthon Jesus jala mangoloi Ibana ima na olo mansoadahon dirina jala manuhuk silangna (Ay.34-38).
Marhite on, diuduti Jesus ma mangajari angka siseanna songon dia do mangolu dibagasan na mangihuthon Ibana. Jotjot do hinorhon na mangihuthon Jesus, gabe soadahononon dirinta. Lapatanna, mangolu dibagasan roha na sisoada do hita. Kita merasa bahwa hidup kita sebenarnya tidak berarti tanpa pertolongan Tuhan. Alani i unang ma tahaginjanghon, molo tung pe adong angka halobionta sian donganta.
Hidup yang menyangkal diri adalah hidup yang sungguh-sungguh mengandalkan Tuhan dalam kehidupan kita.
Jala, molo didok “manuhuk silang” na marlapatan do i, ngolu na gok angka sitaonon. Silang ima sada tudu-tudu taringot sitaonon na masa di hasiangan on. Dibagasan roha na unduk, tarsilang do Jesus di dolok Golgota. Asa, molo didok mangihuthon Jesus ima songon sahalak na manuhuk silang na marlapatan do i, sipata jotjot do hinorhon goar ni Jesus gabe menderita hita.
Sahalak parbarita na uli na tarbarita margoar Tertulianus mandok: “darah orang martir adalah benih gereja”. Marhite pandohanna i, naeng auhononta ndang marisuang penderitaan ni angka na porsea i. Na tuk do Debata merubah penderitaan menjadi sukacita. Upaya penghambatan menjadi pertumbuhan. Songon na jotjot tabegei: Semakin dihambat, semakin merambat.
Domu tusima, tongtong ma hita dibagasan roha na merreminiscere. Marpos ni roha na tongtong do ingoton ni Debata denggan basaNa tu hita. Ndang tadinghonon ni Tuhanta hita di tonga-tonga ni penderitaan na masa di tonga-tonga ni ngolunta.